مجنون و بيتكلم..

و الله انا مش مجنون.. انا بس ممكن اكون مُتفائل زياده عن اللزوم .. اصل انا إنهارده لشوشتى مديون.. بس ممكن يجى بُكره و يكون معايا يجى كده كام مليون .. و اعيش شويه بقه و اريح دماغى من ديه هموم .. ما انا ياما كنت مُلزم ... ادفع لأبنى مصاريف مدرسته ... و اجيب شنطه جديده كمان لأخته ... وفلوس مصروف البيت لأمه ... عمال أكوم ف ديون .... مش عارف اعمل ايه يعنى .. ما المديون لازم يجى اليوم و يتجنن ..

ليه بتعلموا اللى بيحلم انه يبطل يتكلم.. لأ و تقولوا "بص بيعمل ايه! ،بص بيحلم بإيه! بص بيقول ايه!،ياعينى عليه..مجنون و بيتكلم"