مولد ..

الكل بيسأل ايه اللى بين لهاليبو و الحاوى..

ما هو ياما طلعت إشاعات عليهم و حكاوى..

لهاليبو تسمع عنها فى الشوارع و الحوارى..
منهم اللى قال عنها ديه غازيه ضحك عليها حاوى..
و منهم اللى قال ديه عليها رقصه و لا أجدعها حاوى..
تلاقيها فى هيصة الموالد هى اللى غويته..
و فى اللى منها قرب و فى اللى خاف يجرب..
و اللى قال لك ديه هى نفسها الحاوى ترقص و تتلون..
والكل غاوى،كانت تحب تتفرج على ألاعيبه..

و فى مره خَلص هو كل الحيل
راح قال لنفسه يا واد ما تجرب لهاليبو..
و قرب وجرب و بقت الورقة الكسبانه فى ألاعيبه..
الكل بيتفرج ما بين فرحان ومتشوق و مستغرب..
و اللى بيقول أشمعنى أنا..ما أنا كمان عايز أجرب..
و لهاليبو تلعب بالنار فتتلسع..
و يعشموها بالحلق وبكلام غناوى فترقص و تغترب.
و تعوم مع بحر كلامهم و كتير تنجرف..
 مولد يجمع ما بينهم و يفرق و الكل نفسه يجرب..