و أنا وياهم...

و أنا وياهم بحس إنى مُعاقه من و مع المُعاقين.. حاطين على باب دماغهم و ودانهم قفل و مفتاح لُزوم الكوالين.. و الجَد فى لحظه بلاقيه هزار و يقولوا لى: "مش طالبه،مش فايقين".. أجَى أقول للأخ ده :"يا أستاذ".. بعديها بشويه كُتار مش صُغيرين(فين و فين).. اكتشف انه حمار من الحمير..و انه ماشى بصوره او بأخرى تَبع اى قطيع.. اسألهم على البرنامج ده.. يقولوا لى "كََََبر كَََبر يا كبير،هو احنا ناقصين فزلكه و كلام كبير!" دايماً للتجديد رافضين.. و للتغيير كارهين.. من زاويه واحده لكل المواضيع باصين.. و بوليكا دايماً عاملين.. و من الحقيقه مذعورين.. و اخر القعده ديه حاجه من حاجتين.. يا اما زياره لأبو زعبل يا اما إقامه فى مستشفى المجانين.. و الله ما فيها كلام.. و أنا ويَاهم بحس إنى مُعاقه من المُعاقين..