تكونش ديه اللى اسمها..عبقريه

قربت أصدق أن أنا..عبقريه
بكل المقاييس أنا فاشله ومش عامله اللى عليَّ
؟!!و يطالبونى ليه بتحمل المسئوليه
و أنا حتى اسمى مختارتوش و لا دينى و لا اى حاجه ليّ..
ده أنا حتى عشت عشرين سنه اعمل فيهم كل اللى عليَّ..
و كان عقلى فاضى مليان كلام أتفه فى ورق عشان أنجح و أبقى زى أخواتى و ولاد أعمامى و بنت خالتى اللى جايه..
 و يعاتبونى على أحلامى اللى  مش زى كل البنات التانيه ..و على آرائى السياسيه ..وديه لوحدها  قصة تانيه
و مع انى معملتش خطيئه و لا إرتكبت جنايه..
الا ان كل الناس بتجيب الغلط  عليّ و انا أصلاً مليش فى الكلام
و شايفه نفسى كده ميه ميه..
و لا عمرى حأعمل حاجه مش عايزاها  لمجرد أن أنا أنول رضا من كل اللى حواليّ..
صحيح بتخبط  و الدنيا ساعات كتيرتيجى عليّ و مكملتش تعليمى و معاى إعداديه..
الا انى مبسوطه و كفايه أن أنا راضيه عليّ..
ده أنا حتى قربت أصدق انى مش عاديه..
أكيد فى حاجه غلط ..ما هى الحياة كده مش طبيعيه
و الله أنا مش عامله دماغ..ديه دماغى الأصليه
و أقول لنفسى يكونش السبب فى ده كله..
أن أنا عبقريهD؛